Главная >> 20 лет Парламенту >> Нæ республикæйы Парламентыл æххæст кæны 20 азы

Дата: 23 Мая 2015 г. 12:26

Название: Нæ республикæйы Парламентыл æххæст кæны 20 азы

Сæрибар, рæстаг, дзыллæтæ сæхæдæг сæ цард уæндонæй, ныфсджынæй кæм аразынц, хи æвзæрст фæндагыл фидар къахдзæфтæй кæм цæуынц, ахæм æхсæнадмæ, паддзахадон арæзтмæ тырныдта кæддæриддæр цæрæг уд. Уымæн хуыздæр æвдисæн — истори. Цæвиттонæн хæссинаг — нæ раздæры бæстæ Советон Цæдисы фæзынд. Гуыргъахъ æмæ гакъон-макъон у демократон цардарæзтмæ фæндаг. Фæлæ йыл куы нæ акъахдзæф кæнай, дæхæдæг рæстдзинад сфидар кæныныл, æмбар æмæ сæрибар уæвыныл тохы зындзинæдтæ, æнæраст хъуыддæгтæ куы нæ бавзарай, быцæу ныхасы куы нæ бацæуай сæ сæрвæлтау, уæд фæндаг зæрæстон кæны.

20 азы размæ Цæгат Ирыстоны цæрджытæ схъæлæс кодтой Парламенты депутаттыл æмæ уымæй сæхæдæг дæр бындур сæвæрдтой парламентаризмæн. Депутаттæ та систы, адæм бирæ рæстæг цы демократон хъуыдыкæнынадмæ тырныдтой, цы рæстдзинад сын нæ фаг кодта, уый сæрыл дзурджытæ, тохгæнджытæ. Ахæм æмбырд, фембæлд, хъуыддаджы ныхас нæ уыдис Парламенты, æмæ газет "Рæстдзинад" уый тыххæй ма ныффысса. Ма фæхæццæ кæна йæ кæсджытæм, се 'ууæнк, сæ фидæн кæмæн бабар кодтой, уыцы æвзæрст лæгтæ цас дзуапджынæй æмæ бæрнонæй кусынц, уый.

Æвæццæгæн, не 'ппæт дæр, æмхуызонæй, æхсызгонæй æрæджы "Рæстдзинад"-ы бакастыстæм закъонаразæг институты ссæдзазыккон фæндаджы тыххæй Парламенты фондз равзæрсты депутат Мæхæмæтты Ахуырбег цы хъæздыг, арфхъуыдыджын æрмæг ныффыста, уый. Уыцы цауы тыххæй бæрнонæй æрдзырдта парламентон фракци "Уæрæсейы патриоттæ"-йы разамонæг Фадзайты Арсен дæр.

Æнæмæнг, 20 азы размæ Парламентмæ æвзæрстытæ сæ фæстæ Цæгат Ирыстоны адæмæн расайдтой ахъазгæнæн хъуыддæгтæ. Уырны нæ, демократон цардарæзты фæндагæй кæй нæ ахиздзысты, уый.

23 мая 2015г. газета "Рæстдзинад"

Председатель Парламента >>
Мачнев Алексей Васильевич
Мачнев А. В.